大家好，好開心可以成為香港隊東奧持旗手，其實自己從來都無諗過可以成為持旗手，因為我一直覺得港隊比我更強大嘅運動員大有人在。
好多謝香港奧委會、體院、羽總一直以來對我哋嘅支持，能夠成為持旗手係好大嘅榮譽。自己第三次出戰奧運會，今次最特別係第一次同俊文參加混雙，呢幾個月我哋已經為奧運準備得如火如荼，狀態亦都重回昔日高峰。今日更加喺授旗禮上、從傳媒口中知道自己成為持旗手，一方面真係好開心，令到好可能係我最後一屆嘅奧運會更加完美，另一方面亦令我更有動力去每日訓練，積極去東奧爭取更好成績。
再次多謝我家人、身邊每一位嘅支持，我同俊文會努力比賽，以好表現答謝你哋。🔥🔥🔥😘